İspaniya La Liqasının 18-ci turunda “Sevilya” “Real”ı 2:1 hesabıyla məğlub etdi.

Newsport.az xəbər verir ki, oyunda komandasının yeganə qoluna imza atan Kriştiano Ronaldo rekorda imza atıb. Oyunda 11 metrlik cərimə zərbəsi ilə hesabı açan portuqaliyalı hücumçu “Real”ın heyətində yerinə yetirdiyi 65-ci bu cür zərbənin 56-da dəqiq oynayıb.

O, bu nəticəylə İspaniya çempionatının tarixi ərzində ən çox penalti qoluna imza atmış Huqo Sançesi haqlayıb.