Millimizin üzvləri Kamran Ağayevlə Emin Mahmudovun şərəfini qoruduğu Portuqaliyanın "Boavişta" klubu Premyer Liqada yaranan fasilədən yararlanaraq yoxlama oyunu keçirib. 

Newsport.az-ın məlumatına görə, Portu təmsilçisi sequndada da mübarizə aparan "Panafiel" klubu ilə qarşılaşıb. Matç "Boavişta"nın minimal hesablı qələbəsi ilə başa çatıb - 1:0. 

Komandanın baş məşqçisi Migel Leal bu oyunda cari mövsümdə az forma şansı qazanan futbolçuların gücünü sınayıb. Ardıcıl bir neçə oyundu özünü yaxşı tərəfdən göstərən Emin Mahmudov matça strart heyətdə başlayıb. Mahmudov fasilədə əvəzlənib. 

Kamran Ağayev isə bu oyunda iştirak etməyib. O, hazırda ölkəmizdə olduğu üçün heyətdə yer almayıb.