Portuqaliya millisinin və Madridin "Real" klubunun üzvü Kriştiano Ronaldo "France Football" jurnalının dünyanın ən yaxşı futbolçusu üçün verdiyi "Qızıl top"un mükafatlandırma mərasimində iştirak etməyəcək. 

Newsport.az xəbər verir ki, bu barədə "Mirror" məlumat yayıb. Buna səbəb kimi ulduz futbolçunun klublararası dünya çempionatında iştirak üçün Yaponiyaya getməsi göstərilir. Onun mərasimə canlı telekörpü vasitəsi ilə qatılacağı bildirilir.

Qeyd edək ki, "Qızıl top"un sahibinin adı bu gün Bakı vaxtı ilə saat 23:00-da açıqlanacaq. Mükafata əsas namizədlər Kriştiano Ronaldo (Portuqaliya, “Real”), Lionel Messi (Argentina, "Barselona) və Antuan Qrizmanndır (Fransa, "Atletiko").