Klublararası dünya çempionatında iştirak edəcək "Real" İspaniyanı tərk edib.

Newsport.az-ın məlumatına görə, "kral klubu" bu gün Yaponiyaya gedib. Bu barədə məlumatı klubun rəsmi saytı yayıb. Ötən gecə "Deportivo" üzərində 3:2 hesabı ilə əzmkar qələbə qazanan madridlilər gecəni Tokiyoda keçirdikdən sonra oyunun baş tutacağı Yokohamada məskunlaşacaq.

Xatırladaq ki, “Real”ın turnirdə ilk rəqibi 1/2 finalda 1/4 final mərhələsinin “Çonbuk Xenday Motors” – “Amerika” cütünün qalibi olacaq. Oyun dekabrın 15-də keçiriləcək.