Dünyanın ən yaxşı futbolçusuna verilən "Qızıl top" mükafatının sahibini yenidən jurnalistlər seçəcək.

Newsport.az-ın məlumatına görə, bu haqda "France Football" nəşrinin saytı məlumat yayıb. Məlumatda bildirilir ki, FİFA və "France Football" arasında “Qızıl top” mükafatı ilə bağlı 2009-cu ildən başlanan əməkdaşlıq başa çatır.

Qeyd edək ki, bu əməkdaşlıq çərşivəsində dünyanın ən yaxşı futbolçusunu jurnalistlərlə yanaşı FİFA üzvü olan milli komandaların baş məşqçiləri və kapitanları da seçirdi.

Bu ildən etibarən isə “Qızıl top”un qalibi əvvəlki qaydada – yalnız jurnalistlər arasındakı səsvermədən sonra müəyyənləşəcək.

Qeyd edək ki, yeni qaydaya əsasən, namizədlər sırasında 23 deyil, 30 futbolçunun adı olacaq.