"Qarabağ”ın sabiq futbolçusu Samuel Armenteros İngiltərənin "Bristol Siti”komandasının heyətində debüt oyununa çıxıb. 
Newsport.az-ın məlumatına görə, isveçli hücumçu "Yovil Taun”la matçda iştirak edib. Görüş "Bristol”un 2-1 hesablı qələbəsiylə başa çatıb.  Armenteros sözügedən matçda heç nə ilə yadda qalmayıb. 
Qeyd edək ki, ötən mövsümü "Qarabağ”da keçirən Armenteros İngiltərə klubunun düşərgəsində baxışdadı. Onunla bağlı yekun qərarı məşqçilər korpusu verəcək.