"Qarabağ”dan ayrıldıqdan sonra "Roda"ya transfer olunan Raydell Pupon Hollandiya klubundakı karyerası uzun çəkməyib.

Newsport.az-ın məlumatına görə, forvard Kerkrade təmsilçisindən də qovulub.

Bu barədə məlumatı Hollandiya mətbuatı yayıb. Klub 29 yaşlı hücumçu ilə başa çatan müqaviləni yeniləməkdən imtina edib.

Qeyd edək ki, Pupon "Qarabağ" forması ilə meydana çıxdığı 15 oyunda cəmi bir qol vura bilmişdi. Elə buna görə də Ağdam klubunda özünü yaxşı tərəfdən göstərə bilməyən futbolçu, baş məşqçi Qurban Qurbanovun etimadını doğrulda bilmədiyi üçün komandadan göndərilmişdi.