“Bayern” və Fransa millisinin sabiq yarımmüdafiəçisi Frank Riberi 2013-cü ildə “Qızıl top”u qazana bilməməsindən məyus olduğunu bildirib.

Həmin il mükafat “Real” və Portuqaliya millisinin hücumçusu Kriştianu Ronaldoya verilib.

Riberi 2013-cü ilin onun üçün möhtəşəm keçdiyini və həm Bundesliqada, həm də Avropada ən yaxşı futbolçu olduğunu düşünür: “Bəlkə də “Qızıl top”a layiq idim. Onu qazana bilməməyim mənə çox pis təsir etdi, bu, böyük məyusluq idi. Möhtəşəm mövsüm keçirmişdim, hər şeyi qazandım, həm “Bayern”, həm də milli komandada əla çıxış etdim. Daha nə edə bilərdim?”