Rusiyanın "Zenit" klubu azərbaycanlı futbolçu Ramil Şeydayevi geri qaytarıb.

Newsport.az saytının məlumatına görə, mövsümün ilk yarısını icarə əsasında "Rubin"də keçirən Şeydayev yenidən Peterburq təmsilçisinin şərəfini qoruyacaq.

Artıq "Zenit" 19 yaşlı futbolçunu Rusiya Premyer Liqasının oyunları üçün sifariş edib. O, "Zenit"də 90 nömrəli forma ilə çıxış edəcək.
 
Qeyd edək ki, Ramil Şeydayev "Rubin" klubunun heyətində ümumilikdə 7 oyun keçirib və 1 qol vurub.