Bu yay “Sumqayıt”dan ayrılan Saşa İliç çalışdırdığı “Partizan” ilə antirekorda imza atıb.

Newsport.az xəbər verir ki, Belqrad təmsilçisi Serbiya çempionatları tarixində ən pis startını edib.

Komanda 8 turdan sonra 2 qələbə, 1 heç-heçə və 5 məğlubiyyətlə cəmi 7 xal yığıb. Ötən gün isə paytaxt təmsilçisi öz meydanında “Voyvodina”ya uduzub – 2:3.

Serbiya mətbuatı İliçin tezliklə istefaya göndəriləcəyini iddia edir.

27 dəfə ölkə çempionu olan “Partizan” hazırda Superliqada 7 xalla 14 komanda arasında 13-cüdür.

İliç ötən mövsüm “Sumqayıt”ı çalışdırıb. Komanda ötən mövsüm onun rəhbərliyi altında 41 xalla 7-ci olub.