“Mançester Yunayted” kapitanı Bruno Fernandeş klubun ona etdiyi yeni müqavilə təklifini qəbul etməyib.

Newsport.az xəbər verir ki, bu barədə jurnalist Saşa Tavolyeri məlumat yayıb.

Bildirilir ki, “Mançester Yunayted”in təklif etdiyi yeni müqavilədə portuqaliyalı yarımmüdafiəçinin illik maaşının cəmi 500 min avro artırılması nəzərdə tutulub. Bu isə futbolçunu müqaviləni yeniləməyə razı salmaq üçün kifayət etməyib.

Daha əvvəl Türkiyənin “Qalatasaray” klubunun 31 yaşlı futbolçu ilə maraqlandığı və ona illik 21 milyon avro maaş təklif etməyə hazır olduğu barədə məlumat yayılmışdı.