“Çelsi”nin hücumçusu Liam Delap karyerasını “Everton”da davam etdirə bilər.

Newsport.az “Teamtalk”-a istinadən xəbər verir ki, 23 yaşlı futbolçunun transferi uğrunda mübarizədə hazırda “Everton” əsas favorit hesab olunur. “Nyukasl” və “Lids” də hücumçunun keçidi ilə bağlı danışıqları yenidən aktivləşdirib. “Brayton” və “Fulhem” isə vəziyyəti yaxından izləməyə davam edir.

Mənbənin bildirdiyinə görə, “Çelsi” Delapı satmağa hazırdır və alıcını mümkün qədər tez tapmaq niyyətindədir.

“Transfermarkt” portalının qiymətləndirməsinə əsasən, ingiltərəli futbolçunun bazar dəyəri 28 milyon avrodur. Onun London təmsilçisi ilə müqaviləsinin müddəti 2031-ci ilin yayına qədərdir.

“Çelsi” Delapı ötən yay “İpsviç”dən 35 milyon avrodan çox məbləğ qarşılığında transfer etmişdi.