Argentina millisinin baş məşqçisi Lionel Skaloni DÇ-2026-da İspaniyaya qarşı keçirəcəkləri final matçından danışıb.

Newsport.az "The Guardian"a istinadən xəbər verir ki, mütəxəssis İspaniyanın gücünü xüsusi vurğulayıb.

 "İspaniya millisi oteldən çıxan andan narahat olmağa başlayıram. Onların əla komandaları var. İspaniya ilə bağlı hər şey məni narahat edir".

Skaloni bildirib ki, Argentinanın dünya kuboku finalındakı təcrübəsi bu oyunda onlara üstünlük qazandırmayacaq:

 "Onların da böyük səhnələrdə oynamış futbolçuları var. Avropa çempionatı və Millətlər Liqasının finalında iştirak ediblər. Düşünmürəm ki, bizim ardıcıl 2-ci dəfə finalda olmağımız üstünlükdür".

Mütəxəssis komanda kapitanı Lionel Messidən də söz açıb. O, 39 yaşlı hücumçu haqqında da yüksək fikirlər səsləndirib: "Messi əsl tarixdir, əfsanədir. 39 yaşında dünya çempionatının finalında oynamaq inanılmazdır. O, hələ də bizimlədir və bu anların dəyərini bilməliyik".

Qeyd edək ki, Argentina - İspaniya finalı iyulun 19-da keçiriləcək və Bakı vaxtı ilə saat 23:00-da başlayacaq.