Qazaxıstan milli komandası baş məşqçisiz qalıb. Yığmanın sükanı arxasında olan mütəxəssis vəzifəsindən ayrılıb.

Newsport.az xəbər verir ki, bu barədə ölkənin Futbol Federasiyasının mətbuat xidməti məlumat yayıb.

Bildirilir ki, baş məşqçi Talqat Baysufinov istefa vermək qərarına gəlib.

Federasiyanın bəyanatında deyilir: "KFF Talqat Baysufinova peşəkarlığına, fədakarlığına və Qazaxıstan milli komandasının inkişafına verdiyi əhəmiyyətli töhfəyə görə təşəkkür edir və ona gələcək fəaliyyətində uğurlar arzulayır".