“Uotford”un sabiq futbolçusu və baş məşqçisi Kenni Ceket 64 yaşında dünyasını dəyişib.

Newsport.az xəbər verir ki, bu barədə klub məlumat yayıb.

Uotford şəhərində anadan olan və bütün futbolçu karyerasını doğma klubda keçirən Ceket 428 oyunda meydana çıxıb. O, 1982/83 mövsümündə komandanın İngiltərə Birinci Divizionunda ikinci yeri tutan heyətinin üzvü olub, həmçinin 1984-cü ildə İngiltərə Kubokunun finalında iştirak edib.

Məşqçilik karyerasına da “Uotford”da başlayan mütəxəssis sonradan “Suonsi”, “Vulverhempton” və “Portsmut” kimi klublara rəhbərlik edib.