“Real”ın mərkəz müdafiəçisi Raul Asensionun qarşıdan gələn transfer dövründə satışa çıxarılacağı haqda xəbərlər yayılıb.

Newsport.az xarici KİV-ə istinadən xəbər verir ki, lakin Madrid klubunun rəhbərliyi şayiələrə baxmayaraq, ispaniyalı futbolçunu satmaq istəmir. Amma oyunçunun özü transferini tələb edərsə, “Real” təklifləri nəzərdən keçirəcək. Səudiyyə Ərəbistanı klubları müdafiəçi ilə maraqlanır və yaxşı şərtlərlə təklif verməyə hazırdırlar.

Asensio bu mövsüm “Real”ın heyətində bütün yarışlarda 31 oyunda 2 qol vurub və 1 məhsuldar ötürmə edib.