İngiltərə millisinin baş məşqçisi Tomas Tuxel yarımmüdafiəçi Fil Fodenin dünya çempionatına gedəcək heyətdə yer alacağına zəmanət verilmədiyini vurğulayıb.

“Mançester Siti”nin 25 yaşlı yarımmüdafiəçisi İngiltərənin son təlim-məşq toplanışı zamanı hər iki yoldaşlıq oyununda meydana çıxıb. Komanda Uruqvayla 1-1 hesablı heç-heçədən sonra Uemblidə Yaponiyaya 1-0 hesabı ilə məğlub olub.

“Foden milli komandanın təlim-məşq toplanışında inanılmaz idi, amma bunu meydanda göstərməkdə çətinlik çəkir. Onun Dünya Çempionatına gedəcəyinə zəmanət verə bilmərəm”, – deyə Tuxel bildirib.

Yarımmüdafiəçi İngiltərə millisində 49 oyunda dörd qol vurub və on məhsuldar ötürmə edib.