"Qalatasaray" "Milan"ın yarımmüdafiəçisi Yussuf Fofananı transfer etmək istəyir.

Newsport.az xəbər verir ki, bu barədə "Calciomercato" nəşri məlumat yayıb.

İstanbul nəhəngi fransalı futbolçu üçün İtaliya klubuna 30 milyon avroluq təklif göndərib. "Sarı-qırmızılar" Fofananın özünə isə illik 5 milyon avro maaş olmaqla 4 illik müqavilə təklif edib. 27 yaşlı dayaq yarımmüdafiəçisi hələ ki "Qalatasaray"a cavab verməyib.

Qeyd edək ki, Fransa millisinin üzvü olan Yussuf Fofana bu mövsüm "Milan"ın heyətində keçirdiyi 28 oyunda 2 qol vurub, 4 qol ötürməsi edib.