“Benfika”nın yarımmüdafiəçisi Orkun Kökçü karyerasını Türkiyə çempionatında davam etdirəcək.
Newsport.az klubun rəsmi saytına istinadən xəbər verir ki, 24 yaşlı futbolçu icarə əsasında “Beşiktaş”a keçib.
Türkiyə millisinin üzvü olan Kökcünün icarə müddəti 2026-cı ilin ortalarına qədər nəzərdə tutulub.
Kökçü 2024/25 mövsümündə “Benfika”nın heyətində 55 oyunda iştirak edib, 12 qol vurub və 11 məhsuldar ötürmə verib.
