Milli Basketbol Assosiasiyasının dördqat çempionu və Şöhrət Zalının üzvü Şakil O’Nilin adına məşhur Hollivud xiyabanında ulduzu olacaq. Bu barədə qurumun komitəsinin mətbuat xidməti məlumat yayıb.

Əfsanəvi idmançı “2026-cı ilin ulduz sinfi”nə daxil olan 35 nəfərlik siyahıya düşüb.

Siyahıya öz sahələrinə mühüm təsir göstərmiş müxtəlif sferaların nümayəndələri daxil edilib: kino, musiqi, televiziya və s. O’Nil “idman əyləncəsi” kateqoriyasının yeganə nümayəndəsi olub.