"Mançester Yunayted" "Vulverhempton"dan transfer etdiyi Mateus Kunya üçün imza mərasimi təşkil edib.

Newsport.az xəbər verir ki, bu barədə "qırmızı şeytanlar"ın mətbuat xidməti məlumat yayıb.

Braziliya millisinin üzvü ilə 2031-ci ilin yayına kimi nəzərdə tutulan müqavilə imzalanıb. "Mançester Yunayted" 26 yaşlı hücumçu üçün onun klubuna 62,5 milyon funt-sterlinq təzminat ödəyib.

Qeyd edək ki, Mateus Kunya ötən mövsüm "Vulverhempton"un heyətində keçirdiyi 36 oyunda 17 qol vurub, 6 qol ötürməsi edib.