"Atletik"in futbolçusu Niko Uilyams La Liqada klubunu dəyişməyə yaxındır.

Newsport.az "Marca" nəşrinə istinadən xəbər verir ki, "Real" İspaniya millisinin üzvünü heyətinə qatmaq istəyir. 

"Kral klubu" Niko üçün "Atletik"lə danışıqlara başlayacaq. "Real" 22 yaşlı vinger üçün 58 milyon avroluq sərbəstqalma məbləğini ödəməyə hazırdır.

Qeyd edək ki, Niko Uilyams bu mövsüm "Atletik"in heyətində keçirdiyi 44 oyunda 11 qol vurub, 7 qol ötürməsi edib.