Kilian Mbappe "Real"dakı debüt mövsümündə 41 qola imza atıb.

Newsport.az xəbər verir ki, Fransa millisinin hücumçusu La Liqanın 37-ci turunda səfərdə keçirilən "Sevilya" ilə oyunda (2:0) hesabı açıb.

Bu qol, 26 yaşlı dünya çempionu üçün "Real"ın heyətində bütün turnirlərdə vurduğu 41-ci qol olub. Mbappe bu nəticəni PSJ-dən azad agent kimi keçdikdən sonra 55 oyunda əldə edib.

Debüt mövsümündə 41 qol – klub tarixində rekord göstəricidir. Daha əvvəl bu rekorda 37 qolla İvan Samorano malik idi (1992/93 mövsümündə).

Mbappe həmçinin La Liqada da debüt mövsümünə görə rekord qırıb – 29 qol. Bu göstərici ilə o, Alfredo Di Stefanonun 1953/54 mövsümündəki 27 qolluq nəticəsini geridə qoyub.