“Arsenal” Lissabon “Sportinq”inin hücumçusu Viktor Qyokereşi transfer edir.

Newsport.az xəbər verir ki, bu barədə “A Bola” nəşri məlumat yayıb.

London klubu isveçli futbolçunun transferi üçün 75 milyon avro ödəyəcək. Onunla 4 və ya 5 illik müqavilə imzalanacağı gözlənilir. O, cari mövsümdə Portuqaliya çempionatında 32 oyunda iştirak edib və 38 qola imza atıb.

“Arsenal” Premyer Liqada mövsümün sonuna iki tur qalmış turnir cədvəlinin 2-ci pilləsində qərarlaşıb. Komandanın növbəti oyunu hazırda üçüncü yerdə olan “Nyukasl”a qarşı olacaq.