“Barselona” oyunçuları Çempionlar Liqasının yarımfinalında məğlubiyyətə məyus olub. “İnter”in mübrizədən kənarlaşdırdığı ispan klubunun əsas fiqurlarından olan Rafinya inamını itirməməyə çalışır.

Newsport.az xəbər verir ki, brazilyalı hücumçu ruhdan düşməyəcəklərini deyir: “Mövsüm hələ bitməyim. Vacib oyunlarımız var, La Liqanı qazanmaq imkanımız realdır. Bu komandanın formasını geyməkdən hər gün daha çox qürur duyuram. ÇL-də mübarizəyə daha güclü şəkldə dönəcəyik”.

Lamin Yamal isə milanlılarla matçda yaxşı oynadıqlarını düşünür: “Əlimizdən gələnin ən yaxşısını etdik. Bu il alınmadı, amma geri dönəcəyik, bundan kimsənin şübhəsi olmasın. Ən yüksək zirvəyə yüksələnədək mübarizə aparacaq, ÇL-i qazanacağıq. Hələlik bazar günü daha bir final matçımız var. “Real”la görüşdə La Liqanın taleyini həll edə bilərik”.