19 yaşlı Dani Rodriqes “Barselona” ilə debüt oyununda ağır zədə alıb.

Newsport.az xəbər verir ki, hadisə La Liqanın 34-cü turunda “Valyadolid”ə qarşı oyunda (1:2) baş verib. Rodriqes matça start heyətdə başlayıb.

34-cü dəqiqədə o, rəqib müdafiəçi Adam Aznuyla ikili mübarizədən sonra çiynini tutub. Həkimlər onun qolunu sarıyıb, daha sonra futbolçu meydandan çıxarılıb. Danini Lamin Yamal əvəzləyib.

Rəsmi məlumata görə, Dani Rodriqesin çiyninin sağ hissəsində kəskin çıxıq qeydə alınıb.

Futbolçunu zədənin dəqiq dərəcəsini müəyyənləşdirmək üçün əlavə müayinələr gözləyir.