"Əl-Nəsr", "Əl-Hilal" və "Əl-İttihad" klubları "Barselona" rəhbərliyi ilə görüşərək Kataloniya təmsilçisinin 4 futbolçusunun potensial alışını müzakirə ediblər.

Newsport.az xəbər verir ki, bu barədə məlumatı "Sport.es" paylaşıb.

Bildirilir ki, "Əl-Hilal" cinah oyunçusu Rafinya ilə fəal maraqlanır. Braziliyalı futbolçu "Barselona" ilə yeni müqavilə ilə bağlı danışıqlar aparır, lakin tərəflər müqavilənin müddəti və maaşı ilə bağlı fikir ayrılığına düşüb.

"Əl-Nəsr"in hədəfindəki futbolçular Ronald Arauxo və Jül Kundedir.

 "Əl-İttihad" isə hələ bir neçə ay əvvəl müqavilə bağlaya biləcəyi Kataloniya klubunun yarımmüdafiəçisi Frenk de Yonqla maraqlanır. Amma de Yonqun klubu ilə müqaviləni uzatma ehtimalı daha yüksəkdir.