Şarunas Yasikyaviçus Avroliqanın mükafatına layiq görülüb.

“Fənərbağça”nın çalışdırıcısı Avroliqada 2024/25 mövsümünün ən yaxşı məşqçisi adına verilən Aleksandr Qomelski mükafatını alıb.

Komandanın əsas oyunçularının zədələrinə baxmayaraq, onun rəhbərlik etdiyi komanda 34 oyunun 23-də qalib gəlməklə mövsümü ikinci yerdə tamamlayıb.

Maraqlıdır ki, Şarunas oyunçu kimi turnirin 4 dəfə qalibi olub. O, 2003, 2004, 2005 və 2009-cu illərin çempionudur.

49 yaşlı litvalı mütəxəssis “Olimpiakos”la müntəzəm çempionatda qalib gələn Georgios Bartzokası qabaqlayıb.