“İnter”in baş məşqçisi Simone İnzaqi komandanın cari mövsümdəki təqvimi haqda danışıb.

Newsport.az xarici KİV-ə istinadən xəbər verir ki, o, hər kəsin komanda üçün çox çalışdığını bildirib:

“Keçən mövsüm ümumilikdə 49 oyun keçirdik, indi 48 oyunumuz var. Çox çətin mövsümdür, amma uyğunlaşmaqdayıq. Hər kəs komandanın rifahı üçün özünü qurban verir”.

“İnter” 32 oyundan sonra 71 xalla A Seriyasında turnir cədvəlinin birinci pilləsində qərarlaşıb.