Sabiq futbolçu Emmanuel Peti “Əl-Nəsr”in hücumçusu Kriştiano Ronaldonun ümumi performansını şərh edir.

Newsport.az xarici KİV-ə istinadən xəbər verir ki, Fransa millisinin sabiq futbolçusu bunu deyib:

“Komandanızda Kriştiano Ronaldo olanda bir məşqçi kimi onu əsas komandada, yoxsa əvəzedicidə oynatmalı olduğunuzu bilmirsiz, çünki düzünü desək, onun AÇ-2024-də Portuqaliya millisində göstərdiyi performans o qədər də yaxşı deyildi. Amma məncə, bu oyunçunun heç bir məhdudiyyəti yoxdur. O, bədəni ilə çox peşəkar davranır və onun 40 yaşı var. İnsanlar onun üçün yəqin ki, beynəlxalq karyerasının bitdiyini düşünə bilər, lakin bu adamın o qədər motivasiyası və qəzəbi var ki, məncə, o, komandada olmaqla müsbət təsir edə bilər.

Kriştiano Ronaldo olanda nə etməli? Onu hər oyuna buraxmalı, yoxsa 30 dəqiqə, 45 dəqiqə əvəzedici kimi istifadə etməliyik? Bu, mənim sualımdır. Kriştiano Ronaldo o qədər böyük addır ki, onu ehtiyat oyunçular skamyasına salmaq istəyən hər məşqçi üçün çətindir. Onunla bağlı vəziyyət Roberto Martines (Portuqaliya millisinin baş məşqçisi) üçün həqiqətən çətindir. Çünki heç bir məşqçi Ronaldonu ehtiyat oyunçular skamyasında saxlamaq istəməz. Profilinə, statusuna görə onu idarə etmək çox çətindir”.