“Real”ın hücumçusu Vinisius Junior İspaniya Kubokunda ən çox məhsuldar ötürmə verən futbolçuların siyahısında üçüncü pilləyə yüksəlib. Newsport.az xəbər verir ki, braziliyalı forvard yarımfinal mərhələsinin “Real Sosyedad”la cavab oyununda (4:4) buna nail olub.

24 yaşlı futbolçu həmin qarşılaşmada 2 assistlə yadda qalıb. Bununla turnirdəki məhsuldar ötürmələrinin sayını 12-yə çatdıran Vinisius “Atletiko”nun vingeri Anxel Korreanı (10) geridə qoyub.

İspaniya Kubokunda bu baxımdan rekordçu Lionel Messidi. Argentinalı “Barselona”nın heyətində 27 assitlə diqqət çəkib. İkinci pillədə isə daha bir sabiq “Barselona”lı Xordi Alba (15) yer alır.