“Atletiko”nun hücumçusu Antuan Qrizmann La Liqa rekordunu təkrarlayıb. Newsport.az xəbər verir ki, fransalı forvard “Barselona” ilə son görüşdə buna nail olub.

O, komandasının heyətində meydana çıxaraq, İspaniya çempionatında 520-ci matçını keçirib. Bununla Qrizmann La Liqada ən çox oyun keçirən əcnəbi futbolçu rekordunu təkrarlayıb. O, “Barselona”nın sabiq kapitanı Lionel Messinin göstəricisinə çatıb.

Qeyd edək ki, “Atletiko” “Barselona”ya 2:4 hesabı ilə məğlub olub.