“Monako” yaponiyalı futbolçusu Takumi Minamino ilə müqavilənin müddətini uzadıb.

Newsport.az xəbər verir ki, bu barədə klubun mətbuat xidməti məlumat yayıb.

Yarımmüdafiəçi ilə yeni müqavilənin müddəti 2027-ci ilin yayına kimi nəzərdə tutulub.

Minamino “Monako”ya 2022-ci ilin yayında “Liverpul”dan keçib. 30 yaşlı futbolçu cari mövsümdə 33 oyun keçirib, 6 qola və 5 məhsuldar ötürməyə imza atıb.