"Barselona"nın qapıçısı Mark-Andre ter Ştegen gözləniləndən daha tez meydana qayıda bilər.

Newsport.az "Bild"ə istinadən xəbər verir ki, alman qolkiper dizindən aldığı zədə səbəbindən sentyabrın sonundan oynamayıb və onun sağalmasının 8-9 ay çəkəcəyi gözlənilirdi.

Lakin onun müalicəsi daha yaxşı getdiyi üçün mayda məşqlərə qayıdacağı ehtimal edilir.

32 yaşlı qapıçı 2028-ci il iyunun 30-na qədər “Barselona”ya məxsusdur. O, 2014-cü il iyulun 1-dən Kataloniya klubunun qapısını qoruyur.