“Real”ın baş məşqçisi Karlo Ançelotti bildirib ki, David Alaba meydana qayıtmağa yaxındır.

Newsport.az-ın məlumatına görə, italiyalı çalışdırıcı Alabanın tezliklə qayıdacağını təsdiqləyib:

“Alaba nəhayət, qayıtmağa yaxındır! Biz çox xoşbəxtik, onu gözləyirik”.

32 yaşlı futbolçu keçən ilin dekabrında çarpaz bağın yırtılması səbəbindən meydandan kənar qalıb.

Avstriyalı müdafiəçi çox güman ki, yeni ilin əvvəlində meydana çıxa biləcək. O, zədədən əvvəl “Real”ın heyətində 102 oyun keçirib, 5 qol vurub və 9 məhsuldar ötürmə verib.