“Real”ın zədəli futbolçuları sıraya dönüb. Newsport.az xəbər verir ki, hücumçu Vinisius Junior və müdafiəçi David Alaba kollektivlə məşqlərə qoşulublar.

Vinisius noyabrın 24-də “Leqanes”lə matçda sol biseps əzələsindən zədə almışdısa, Alaba 2023-cü ilin dekabrından bəri oynamır. Onların tezliklə komandaya kömək edəcək durumda olacağı bildirilib.

Qeyd edək ki, “Real” La Liqada növbəti oyununu sabah səfərdə “Jirona”ya qarşı keçirəcək.