“Bayern” hələ Alfonso Deyvisə yeni müqavilə təklif etməyib.

Newsport.az xarici KİV-ə istinadən xəbər verir ki, deyilənə görə, Münhen klubu hələlik kanadalı futbolçuya son təklifi etməyib. Hələlik hər şey qeyri-rəsmi müzakirələrlə məhdudlaşır.

“Bayern” Deyvislə əməkdaşlığı davam etdirməkdə maraqlıdır. Onun klubla hazırkı müqaviləsi 2025-ci ilin yayında başa çatacaq.

“Real” və “Mançester Yunayted” mövsümün sonunda Alfonso Deyvisi azad agent kimi transfer etməyi düşünür.

24 yaşlı futbolçu 2019-cu ildə Münhen klubuna qoşulduqdan sonra 209 oyunda 11 qol vurub və 34 məhsuldar ötürmə edib.