PSV və Niderland millisinin yarımmüdafiəçisi Jerdi Şouten Avropanın bəzi klublarının “radar”ındadır.

Newsport.az-ın məlumatına görə, “Barselona” da bu klubların siyahısındadır.

PSV 27 yaşlı futbolçusu üçün 30-35 milyon avrodan çox tələb edəcək.

Şouten 2023-cü ilin yayından PSV-də çıxış edir. O, bu klubda keçirdiyi 46 rəsmi oyunda 5 qol vurub.

Şouten bu yay Niderland millisinin heyətində Avropa çempionatında çıxış edib.