İngiltərənin "Brayton" klubu hücum xəttini yeni oyunçu ilə gücləndirib.

Newsport.az xəbər verir ki, Premyer Liqa təmsilçisi "Lids Yunayted"dən Jorjinyo Rutteri transfer edib. Bu barədə klubun mətbuat xidməti məlumat yayıb.

"Qağayılar" fransalı forvard üçün "Lids Yunayted"ə 40 milyon funt-sterlinq təzminat ödəyib. Bu, "Brayton" tarixinin ən bahalı transferidir. 22 yaşlı hücumçu yeni klubu ilə 2028-ci ilin yayına kimi nəzərdə tutulan müqavilə imzalayıb.