Çempionlar Liqasının pley-off mərhələsində "Qarabağ"ın rəqibi olan "Dinamo" müdafiə xəttini yeni oyunçu ilə gücləndirib.

Newsport.az-ın məlumatına görə, Zaqreb təmsilçisi "Roma"dan Yan Oliverası icarəyə götürüb. Bu barədə paytaxt klubunun mətbuat xidməti məlumat yayıb.

İspaniya U-19 millisinin sabiq üzvü 2024/2025 mövsümünü Xorvatiya təmsilçisinin heyətində keçirəcək.

20 yaşlı sol cinah müdafiəçisi "Espanyol"un yetirməsidir. Gənc oyunçu 2020-ci ilin yayında "Barselona"nın akademiyasından "Roma"ya qoşulub.

Qeyd edək ki, "Qarabağ" "Dinamo" ilə ilk oyunu avqustun 20-də səfərdə keçirəcək. Komandalar arasında cavab görüşü isə 28 avqust tarixində Bakıda baş tutacaq.