“Yuventus” futbolçusu Fabio Miretti ilə yeni müqavilə imzalayıb.

Newsport.az xəbər verir ki, bu barədə Turin təmsilçisinin rəsmi saytı məlumat yayıb.

20 yaşlı yarımmüdafiəçinin sözləşməsi 2028-ci ilin iyun ayına qədərdir.

Qeyd edək ki, Fabio Miretti “Yuventus”un yetirməsidir. O, 2021/2022 mövsümündə əsas komandada debüt edib. Ötən mövsüm Miretti “Yuventus”un heyətində bütün yarışlarda 28 oyun keçirib, iki qol vurub və eyni sayda məhsuldar ötürmə edib.