“Atletiko”nun hücumçusu Joao Feliksin meneceri Jorje Mendeş futbolçunun “Benfika”ya qayıtmasının əleyhinədi. Newsport.az xəbər verir ki, agent Portuqaliya klubunun təklifinə müsbət yanaşmayıb.

24 yaşlı oyunçu 2018-ci ildə “Benfika”nın əsas komandasında debüt edib və bir il sonra 126 milyon avroya “Atletiko”ya keçib. “Benfika” rəhbərliyi Mendeşlə əlaqə saxlasa da, Feliksin qayıtması menecerin planlarına daxil deyil. Üstəlik, Portuqaliya klubu ön xətt oyunçusuna 8 milyon avroluq illik məvacib ödəmək iqtidarında da deyil. Madridlilər isə onu 20 milyon avrodan ucuz qiymətə satmayacaq.

Qeyd edək ki, Joao Feliks ötən mövsümü icarə əsasında “Barselona”da keçirib. O, La Liqada keçirdiyi 30 oyunda 7 qol vurub, 3 məhsuldar ötürmə verib.