Portuqaiya millisinin qapıçısı Dieqo Koşta 2 yeni rekorda imza atıb.
Newsport.az xəbər verir ki, o, bunu ötən gün Avro-2024-ün 1/8 finalının Sloveniya ilə qarşılaşmasında bacarıb.
Oyunun əsas və əlavə vaxtı 0:0 hesabı ilə baaşa çatıb. Penaltilər seriyasında isə Portuqaliya 3:0 hesabı ilə qalib gələrək 1/4 finala adlayıb. Matçın əsas qəhrəmanı da məhz Koşta olub.
24 yaşlı qolkiper Avropa çempionatları tarixində penaltilər seriyasında 3 zərbəni dəf etməyi bacaran ilk qapıçıdır. Həmçinin o, penaltilər seriyasında qol buraxmayan ilk qolkiper adına da yiyələnib.
Qeyd edək ki, Koşta 2021-ci ildən Portuqaliya millisinin üzvüdür.