“Mançester Yunayted” klubu tarixinin antirekordunu təkrarlayıb.

Newsport.az xəbər verir ki, komanda Premyer Liqanın 36-cı turunda “Kristal Pelas”a 0:4 hesabı ilə uduzub.

Bu, komandanın mövsümdə 13-cü məğlubiyyəti olub. Nəticədə klub tarixinin növbəti antirekordu qeydə alınıb.

"Qırmızı şeytanlar" həmçinin bu mövsüm qapısından ümumilikdə 81 top buraxıb. Bu, mankunyanların 1977-ci ildəki antirekordunun təkrarı olub. 

Qeyd edək ki, "Mançester Yunayted” hazırda 54 xalla Premyer Liqanın turnir cədvəlinin 8-ci pilləsində qərarlaşıb.