"Qalatasaray"ın transfer etmək istədiyi Eren Dinkçi Bundesliqada klubunu dəyişib.

Newsport.az xəbər verir ki, "Verder"in futbolçusu "Frayburq"a keçib. Bu barədə klubun mətbuat xidməti məlumat yayıb.

"Frayburq" türk futbolçunun müqaviləsində yer alan 5 milyon avroluq sərbəstqalma məbləğini ödəyib. 

Almaniya U-21 millisinin üzvü mövsüm bitdikdən sonra yeni komandasına qoşulacaq.

Qeyd edək ki, Eren Dinkçi bu mövsümü icarə əsasında "Haydenheym"da keçirir. O, komandanın heyətində meydana çıxdığı 27 rəsmi matçda 9 qol və 5 məhsuldar ötürmə ilə yada qalıb.