“San Paulo”nın yarımmüdafiəçisi Xames Rodriges karyerasını İspaniya La Liqasında davam etdirmək arzusunda olduğunu bildirib.

Newsport.az “Relevo”-ya istinadən xəbər verir ki, o, gələcəkdə La Liqaya qayıdacağına umid edir:

“Ümid edirəm ki, gələcəkdə La Liqaya qayıdacam. Bu, mənim həmişə yarışmaq istədiyim çempionatdır”.

Kolumbiyalı futbolçu 2014-2020-ci illərdə “Real”da çıxış edib. Bu müddət ərzində o, bütün turnirlərdə 125 matçda iştirak edib, 37 qol vurub və 42 məhsuldar ötürmə edib.