"Arsenal"ın baş məşqçisi Mikel Arteta komandasının Çempionlar Liqasının 1/4 finalına yüksəlməsini şərh edib.
Newsport.az xəbər verir ki, London təmsilçisi 1/8 finalda ilk matçda 0:1 hesabı ilə uduzduğu "Portu"ya cavab görüşündə 1:0 hesabı ilə qalib gəlib. Cütün taleyini həll etmək üçün penaltilər seriyası oynanılıb. "Arsenal" rəqibini üstələyərək (4:2) növbəti mərhələyə yüksəlib.
Arteta isə çətin qələbəni belə şərh edib: "Mən çox xoşbəxtəm. Sonuncu dəfə dörddəbir finala çıxmağımızdan 14 il keçdi. Bu, "Arsenal" kimi bir klub üçün çox uzun müddətdi. Deməli, ÇL-də 1/4 finala adlamaq belə çətindir. Bu gün biz çox çalışmalı və sehrli anı gözləməli olduq. Və istədiyimz an gəldi. Mən çox qürur duyuram”.