Azərbaycan Basketbol Liqasında (ABL) 11-ci turun iki oyunu baş tutub.
Newsport.az xəbər verir ki, "Sərhədçi" İdman Mərkəzində baş tutmuş turun açılış oyununda "Sərhədçi" və "Şəki" üz-üzə gəlib. Bu görüşdə "Sərhədçi" 112-82 hesablı rahat qələbə qazanıb.
Ən məhsuldar basketbolçular: "Sərhədçi" (Kaleb Hanter - 30 xal, 7 asist), "Şəki" (Pol Dibal - 21 xal, 9 ribaund)
Günün ikinci oyununda liderlər qrupunda qərarlaşmış "Neftçi" "Cəlilabad" klubu ilə qarşılaşıb. Gərgin oyunun yekununda 72-63 hesabı ilə sevinən tərəf "Neftçi" olub.
Ən məhsuldar basketbolçular: "Neftçi (Toraje Breyk - 20 xal, 11 asist), "Cəlilabad" (Rişan Conson - 15 xal, 10 ribaund)
