"Real" baş məşqçisi Karlo Ançelotti ilə müqaviləni uzadıb.
Newsport.az xəbər verir ki, bu barədə "Relevo" məlumat yayıb. 64 yaşlı mütəxəssislə Madrid təmsilçisi arasındakı anlaşma 2026-cı ilin yayına kimi nəzərdə tutulub. Tərəflərin əvvəlki sözləşməsi isə 2024-cü ilin yayına qədər idi.
Bildirilir ki, yaxında "Real" Ançelotti ilə yeni müqavilə imzalanmasını rəsmi şəkildə açıqlayacaq.
Xatırladaq ki, Ançelotti 2021-ci ilin yayında “Real”a rəhbərlik edir. Hazırda onun komandası La Liqanın turnir cədvəlində 45 xalla liderdir.