Braziliya millisinin məşhur üzvü Neymar 2024-cü il Amerika Kubokunu buraxacaq.
Newsport.az "Reuters"ə istinadən xəbər verir ki, bu barədə Braziliya millisinin həkimi Rodriqo Lasmar danışıb. O bildirib ki, hücumçu oktyabr ayında aldığı zədədən sonra əməliyyat olunub:
“Vaxt azdır, hələ tezdir, lazımsız riskə getməyin mənası yoxdur. Avqustun əvvəlində Avropada 2024/2025 mövsümü başlayır. Həmin vaxta kimi onu bərpa etməyə çalışacağıq. Səbirli olmalıyıq. Neymarın 9 aydan tez qayıtmasını gözləmək olmaz.
Bədənin bu bağı meydana gətirməsi üçün vaxt lazımdır. Bu müddətdən sonra onun yüksək səviyyədə bərpa olunacağı gözlənilir”.
Qeyd edək ki, 2024-cü il Amerika Kuboku iyunun 20-dən iyulun 14-dək ABŞ-da keçiriləcək.